| ഊറിച്ചിരിച്ചുകൊണ്ടമ്മയുമായന്നു

പന്തയം വച്ചതിന്നോർമ്മയുണ്ടോ?

ഓറഞ്ചുചാറിന്റെ മധുരവും പുളിയുമ-

ന്നേറെ രസിച്ചതും ഓർമ്മയുണ്ടോ?

സ്ട്രോകൾ രണ്ടെങ്കിലും ഊറ്റിവലിച്ചത-

തത്രയും കുഞ്ഞുവാ,യോർമ്മയുണ്ടോ?

പ്രിയമേറുമിച്ചിത്രമിന്നുമെനിക്കെന്റെ

പ്രേരണ,യെന്തെന്നറിഞ്ഞീടുമോ?

മാറാതെനിൻ കൂടെയമ്മയുണ്ടെന്നൊരാ-

ഓർമ്മ താൻ വേണ്ടൂ കടന്നേറുവാൻ

ഏറെയുണ്ടറിയാത്ത നന്മതൻ വഴിക,ളതി-

ലേറെയുണ്ടഹിതമാം മാർഗ്ഗങ്ങളും

വേർപെടാതമ്മതൻ ചാരെയിരുന്നെന്നു-

മേറിയാലൽപ്പം തണലുകാണാം

ഊറിരുചിക്കുവാനേറെയുണ്ടോമനേ,

ഏറെയും നീ തന്നെ അറികവേണം |